لمين أقول كلمة “حبيبي”
بقلم وليد جمال محمد عقل
(الشهير بوليد الجزار)
لمين أقول كلمة حبيبي؟
وأنا قبل منك…
عُمر قلبي ما حِسّها!
بحبّك “إنتِ”،
وغيرك “إنتِ”…
لمين أقول كلمة “حبيبتي”؟
وإنتِ عندي كل حاجة… وعكسها!
بلاقي فيكي
كل حاجة… بحبّها.
بدأت حياتي بعدها…
وكل اللي قبلك
راحوا من حياتي،
ذكريات…
مش حابب أحكي عنها.
يا كل حاجة… وعكسها
بنظرة واحدة من عيونك،
حضنها قلبي وقتها،
نسيت حياتي…
واللي باقي من حياتي،
وهبته ليكي من وقتها.
كل حاجة فيكي إنتِ بحبها…
نسيت حياتي…
ووهبت ليكي عمري
اللي باقي من وقتها.
وكل اللي قبل منك؟
قلت: “يا ريتني ما عرفتها!”
من يوم ما قلبي حس بيكي،
من وقتها…
مافيش في قلبي
غيرك إنتِ،
يا حبّ عمري… من وقتها.
وقالها قلبي:
“هي دي اللي أنا بحبّها!”
أنا مش بحبك…
أنا كل حاجة فيكي…
إنتِ… بحبّها!
لمين أقول كلمة “حبيبي”
